“TCU imetangaza rasmi kalenda ya udahili kwa mwaka wa masomo 2025/2026. Ikiwa unajiuliza lini maombi yanaanza au utathibitishaje nafasi yako, makala hii imekuandalia kila kitu unachotakiwa kujua – tarehe, hatua, ushauri na linki muhimu.”
Baraza la Vyuo Vikuu Tanzania (TCU) limetoa ratiba rasmi ya udahili kwa mwaka wa masomo 2025/2026 kupitia chapisho lake la tarehe 10 Julai 2025. Ratiba hii ni mwongozo muhimu kwa waombaji wote wa shahada ya kwanza (degree) kutoka vyuo mbalimbali nchini.
Makala hii imeandaliwa mahsusi kukupa mwelekeo kamili wa kila hatua ya udahili, ikijumuisha tarehe za kuomba, kuchaguliwa, kuthibitisha nafasi, hadi kujiunga chuoni.
TAREHE ZA KUTUMA MAOMBI (Dirisha la Kwanza na Pili)
| Hatua ya Udahili | Tarehe |
|---|---|
| Kufunguliwa kwa Dirisha la Kwanza | 15 Julai 2025 |
| Kufungwa kwa Dirisha la Kwanza | 10 Agosti 2025 |
| Dirisha la Pili Kufunguliwa | 3 Septemba 2025 |
| Dirisha la Pili Kufungwa | 21 Septemba 2025 |
Ushauri: Tuma maombi mapema kwenye dirisha la kwanza ili kujihakikishia nafasi nzuri ya kuchaguliwa, hasa kwenye kozi zenye ushindani mkubwa.
TAREHE ZA KUTANGAZWA KWA MAJINA YA WALIOCHAGULIWA
| Tukio | Tarehe |
| Vyuo kupeleka taarifa za waliochaguliwa | 21 – 25 Agosti 2025 |
| Kutangazwa kwa majina ya waliochaguliwa | 3 Septemba 2025 |
| Kutangazwa kwa waliochaguliwa awamu ya pili | 6 Oktoba 2025 |
TAREHE ZA KUTHIBITISHA KUCHAGULIWA (Multiple Selection)
| Hatua ya Uthibitisho | Tarehe |
| Kuthibitisha kwa waliochaguliwa awamu ya kwanza | 3 – 21 Septemba 2025 |
| Kuthibitisha kwa waliochaguliwa awamu ya pili | 6 – 19 Oktoba 2025 |
Umuhimu wa kuthibitisha mapema:
- Kuthibitisha nafasi yako kunakuhakikishia kutoondolewa kwenye mfumo.
- Ni hatua ya lazima kwa wanafunzi wenye multiple selection (waliochaguliwa zaidi ya chuo kimoja).
- Huhusiana moja kwa moja na uwezekano wa kupangiwa mkopo wa HESLB kwa wakati sahihi.
TAREHE ZA UHAMISHO WA KOZI AU CHUO (Transfer Window)
| Tukio | Tarehe |
| Dirisha la Transfer kufunguliwa | 3 – 24 Novemba 2025 |
| Vyuo kutuma taarifa za Transfer kwa TCU | 17 – 24 Novemba 2025 |
| TCU kutoa mrejesho kwa vyuo kuhusu Transfer | 4 Desemba 2025 |
Uhamisho unaweza kuwa:
- Ndani ya chuo (kozi moja kwenda nyingine)
- Nje ya chuo (kuhama kutoka chuo kimoja kwenda kingine)
KUANZA KWA MASOMO NA USAJILI
| Tukio | Tarehe |
| Kuanza kwa usajili chuoni | 4 Novemba 2025 |
PAKUA MWONGOZO WA TCU (2025/2026)
Mwongozo rasmi wa udahili utatolewa na TCU tarehe 12 Julai 2025. Tutakuwekea hapa link ya moja kwa moja ya kupakua mara tu utakapochapishwa rasmi.
- [Pakua Mwongozo wa TCU 2025/26 – (link itaongezwa hapa Mapema Kesho)]
LINKI ZA KUFANYIA UDAHILI NA MIKOPO
Zifuatazo ni linki muhimu za udahili wa Vyuo na Maombi ya Mikopo Elimu ya Juu 2025/26
- Orodha ya vyuo na Linki za maombi ya udahili kwa vyuo vikuu 2025:
- Linki ya maombi ya mkopo wa HESLB 2025/2026:
- Linki ya kalenda rasmi kutoka TCU:
MASWALI YANAYOULIZWA MARA KWA MARA (FAQ)
Ninawezaje kuthibitisha uchaguzi wangu wa chuo kwenye TCU?
Kwa kutumia mfumo wa TCU confirmation code kupitia chuo ulichopangiwa. Maelekezo hupatikana katika akaunti ya udahili uliyoitumia.
Nifanye nini kama sikuthibitisha kwa wakati?
Utaondolewa kwenye mchakato wa udahili. Hakikisha unathibitisha ndani ya muda uliowekwa ili usipoteze nafasi yako.
Je, ninaweza kuomba dirisha la pili kama sikushiriki la kwanza?
Ndiyo, dirisha la pili liko wazi kwa waombaji wote, wakiwemo wale waliokosa au walioshindwa dirisha la kwanza.
Je, uthibitisho unaathiri kupangiwa mkopo wa HESLB?
Ndiyo. Wanafunzi waliothibitisha mapema hupewa kipaumbele katika upangaji wa mikopo na ratiba ya HESLB.
Hitimisho
Kalenda ya udahili ya TCU 2025/26 ni dira muhimu kwa kila mwanafunzi anayepanga kujiunga na elimu ya juu mwaka huu. Hakikisha unafuata kila hatua kwa wakati, tuma maombi mapema, na usisahau kuthibitisha nafasi yako endapo utachaguliwa.
Tembelea tovuti hii kila mara kwa miongozo mipya, linki sahihi na msaada wa hatua kwa hatua wa kujaza maombi yako ya chuo na mkopo.